Shkurt: faqja mjeku.app nuk ka analitikë, reklama apo gjurmues. Të dhënat e pacientëve janë të klinikës; ne i ruajmë në instancën e saj të veçantë dhe i përpunojmë vetëm për t'ia ofruar programin. Nuk i shesim dhe nuk i përdorim për asnjë qëllim tjetër.
1. Kush jemi dhe rolet
Mjeku.App (“ne”) ofron programin për menaxhimin e pacientëve dhe të klinikës në mjeku.app, login.mjeku.app dhe në adresën e veçantë të çdo klinike. Të dhënat personale i përpunojmë sipas Ligjit Nr. 06/L-082 për Mbrojtjen e të Dhënave Personale të Republikës së Kosovës.
- Për të dhënat e klinikës si klient (kontakti, regjistrimi, faturat, llogaritë e stafit) jemi kontrollues.
- Për të dhënat e pacientëve që klinika i fut në program, kontrollues është klinika; ne jemi përpunues dhe veprojmë vetëm sipas udhëzimeve të saj, për t'ia ofruar shërbimin.
2. Çfarë mbledhim
Faqja mjeku.app
Nuk përdorim analitikë, reklama apo gjurmues të palëve të treta, dhe fontet shërbehen nga serveri ynë. Serveri mban regjistra teknikë të kërkesave (IP-ja, koha, faqja, shfletuesi) për sigurinë dhe për zbulimin e sulmeve.
Regjistrimi i klinikës
Emri i klinikës, adresa e zgjedhur (klinika.mjeku.app), lloji i institucionit, emri dhe mbiemri i personit të kontaktit, email-i, telefoni, qyteti, nëse administratori është edhe mjek, shënimi opsional, pakoja dhe modulet e zgjedhura, si dhe IP-ja dhe koha e kërkesës (për mbrojtje nga abuzimi). Kufiri “një kërkesë në 24 orë” ruan vetëm gjurmë të njëanshme (hash) të IP-së, email-it dhe telefonit, jo vetë tekstin.
Llogaria e klinikës
Përdoruesit e stafit (emri, email-i, roli), regjistrat e hyrjeve dhe të veprimeve (IP-ja, koha, pajisja) për sigurinë dhe për auditimin, cilësimet e verifikimit dy-hapësh, dhe të dhënat e faturimit (faturat, pagesat).
Të dhënat e pacientëve
Çfarë fut klinika: të dhënat e identifikimit dhe të kontaktit të pacientit, terminet, vizitat, raportet klinike, diagnozat, dokumentet, pagesat dhe të tjera sipas punës së klinikës. Ne nuk vendosim se çfarë futet; e vendos klinika.
Email-et që dërgojmë
Konfirmimi i regjistrimit, aprovimi, faturat, paralajmërimet për skadimin dhe njoftimet e sigurisë. Nuk dërgojmë email-e marketingu pa pëlqimin tuaj.
3. Pse i përpunojmë
| Qëllimi | Baza |
|---|---|
| Krijimi dhe funksionimi i llogarisë, faturimi, mbështetja | Kontrata me klinikën |
| Ruajtja e faturave dhe e regjistrave kontabël | Detyrim ligjor |
| Siguria, mbrojtja nga abuzimi dhe sulmet, auditimi | Interes i ligjshëm (dhe detyrim ligjor për sigurinë e të dhënave) |
| Të dhënat e pacientëve | Sipas udhëzimeve të klinikës, që ka bazën ligjore për përpunimin e tyre |
4. Sa kohë i mbajmë
| Të dhënat | Afati |
|---|---|
| Kërkesat e regjistrimit të pakonfirmuara ose të skaduara | Fshihen pas 30 ditësh |
| Kërkesat e refuzuara | Fshihen 90 ditë pas vendimit |
| IP-ja te kërkesat e regjistrimit | Hiqet pas 30 ditësh |
| Regjistrat teknikë të serverit web | Rreth 14 ditë |
| Të dhënat e klinikës dhe të pacientëve | Sa zgjat abonimi; pas skadimit 120 ditë vetëm-lexim (paralajmërime në ditët 30, 60, 85; backup final në ditën 90), pastaj fshirje e plotë me konfirmim me shkrim, ose më herët me kërkesën me shkrim të klinikës |
| Faturat dhe regjistrat kontabël | Aq sa kërkon ligji për kontabilitetin dhe tatimet |
5. Ku ruhen dhe kush i përpunon
- Serveri: të gjitha të dhënat (faqja, regjistrimi, paneli i administrimit dhe instancat e klinikave) ruhen në një server të dedikuar vetëm për Mjeku.App, te ofruesi Hawk Host Inc., në qendrën e të dhënave në Dallas, Teksas (SHBA). Kjo do të thotë se të dhënat ruhen jashtë Kosovës; i mbrojmë me masat e pikës 6. Klinikat që kanë nevojë për ruajtje në një vend tjetër na shkruajnë te info@mjeku.app.
- Email-i: email-et i dërgojmë nga serveri ynë i postës (mjeku.app), pa ofrues të jashtëm email-i.
- Asistenti AI (opsional): punon vetëm nëse klinika e ndez, me çelësin API dhe te ofruesi që zgjedh ajo; në atë rast ofruesi i zgjedhur merr pyetjet dhe të dhënat që u nevojiten përgjigjeve.
- Nuk i shesim, nuk i japim me qira dhe nuk i ndajmë të dhënat me palë të treta për marketing. I japim vetëm kur na detyron ligji, me urdhër të autoritetit kompetent.
6. Siguria
- Çdo klinikë ka bazën e të dhënave, përdoruesin e bazës dhe përdoruesin e serverit të vet; një klinikë nuk mund të arrijë të dhënat e një tjetre.
- Çdo lidhje enkriptohet me HTTPS (TLS 1.2/1.3, HSTS). Dokumentet e pacientëve ruhen në dosje private që nuk shërbehen kurrë drejtpërdrejt në internet.
- Verifikim dy-hapësh, kyçje automatike e ekranit, regjistër i plotë i veprimeve (kush pa, kush ndryshoi) dhe butoni i emergjencës për mbylljen e qasjes së stafit.
- Paneli i administrimit, baza e të dhënave dhe qasja teknike në server hapen vetëm përmes tunelit të enkriptuar VPN; firewall-i lejon vetëm shërbimet e nevojshme dhe bllokon automatikisht tentativat e sulmit.
- Backup automatik i enkriptuar (AES-256) sipas orarit të klinikës.
- Stafi ynë nuk i shikon të dhënat e pacientëve. Qasja teknike bëhet vetëm kur e kërkon klinika për mbështetje, kur e kërkon siguria e shërbimit ose ligji, dhe kufizohet në minimumin e nevojshëm.
- Nëse ndodh një shkelje e sigurisë që prek të dhënat e klinikës, e njoftojmë klinikën pa vonesë, që ajo të veprojë sipas ligjit.
7. Cookie
Faqja mjeku.app nuk vendos cookie analitike apo reklamuese. Formulari i regjistrimit përdor një cookie teknike (mjk_reg) për mbrojtje nga falsifikimi i kërkesave, që fshihet kur mbyllet shfletuesi. Programi i klinikës përdor vetëm cookie të domosdoshme për hyrjen dhe sigurinë (sesioni, mbrojtja e formularëve dhe, nëse e zgjidhni, pajisja e besuar për verifikimin dy-hapësh).
8. Të drejtat tuaja
Keni të drejtë të kërkoni qasje në të dhënat tuaja, korrigjimin, fshirjen, kufizimin e përpunimit, kundërshtimin dhe marrjen e tyre në format të lexueshëm. Na shkruani te info@mjeku.app; përgjigjemi sa më shpejt, zakonisht brenda 30 ditëve. Keni gjithashtu të drejtë të ankoheni te Agjencia për Informim dhe Privatësi (AIP) e Republikës së Kosovës.
9. Për pacientët
Nëse jeni pacient i një klinike që përdor Mjeku.App, klinika është ajo që vendos për të dhënat tuaja. Për qasje, korrigjim apo fshirje drejtohuni te klinika juaj; ne e ndihmojmë klinikën t'jua plotësojë kërkesën.
10. Ndryshimet
Kur e përditësojmë këtë politikë, ndryshojmë datën në fund të faqes; për ndryshimet e rëndësishme i njoftojmë klinikat me email.
11. Kontakti
Për privatësinë dhe të dhënat personale: info@mjeku.app. Për mbështetje teknike: support@mjeku.app. Shih edhe Kushtet e përdorimit.
Përditësuar më 26 shtator 2026.